Followers

Sunday 4 November 2012

အင်တာနက် ကော်ပီသမားများအတွက် ခေတ်သစ်ဆောင်ပုဒ်များ


မှေးလို့မပျော် ။ အိပ်ပါသော်မရ ၊ ရှယ်ဂွကျပြီး ၊ အော်ပြရခက် ၊ တော်ကြမှမှတ်လို့ ၊
ဘလော့ဂါကို ၊ ကောက်ရပ်ပါမှ ၊ သက်သာရကြောင်း ၊ တွေးမကောင်းလည်း ၊
အဟောင်းကိုကျော် ၊ အသစ်ပေါ်က ၊ မတော်တရော် ၊ ကလောင်ကျော်လျှက် ၊ စာချည်းသက်သက် ၊
ဖော်ဝပ်ဖြစ်မူ ၊ တွေးကာပူ၍ ၊ အပူဖိစီး ၊ သန်းခေါင်ကြီး၌ ၊ စိုးကြီးစိုးနှောင့်
ရင်မီးတောက်သည် ။ ဘလောက်သားလေး ဗျာပါဝေ

~~~~~~~~~~~~~~~~~~

အနာဟောင်းသည် ဟူ၍ အယောင်တွေ့မှ ဇောကပ်မလန့်လေနှင့် ။
စာကောင်းသည် ဟူ၍ ကလောင်မေ့က ဖော်ဝပ်မဖြန့်လေနှင့်

အနာဟောင်းသည် ဟူ၍ အယောင်တွေ့မှ ဇောကပ်ကာလန့်ပါမူ မလိုအပ်ပဲ ရောဂါရင့်ကာ ရေတိမ်နစ်ရမည် ။ စာကောင်းသည် ဟူ၍ ကလောင်မေ့က ဖော်ဝပ်ဖြန့် ပါမူ မလိုအပ်ပဲ ပြောစရာဖြစ်ကာ ကလောင်တိမ်နစ်ရမည် ။ အနာသိက ဆေးရှိသည်ဆိုသော်ငြား စာသိ၍ ကလောင်မရှိပါမူ အူတူတူနှင့် အရူးမ ဗိုက်ရသကဲ့သို ဖြစ်ပေလိမ့်မည်သာ ။ အရူးမကား ဒူးနှင့်မျက်ရည်သုတ်ရကောင်းမှန်း မသိစကောင်း ၊ ကလောင်ရူးများ သည်လည်း နှလုံးသွေးဖြင့် ကလောင်ရေးကြောင်း မသိစကောင်းကို ထပ်လောင်းသိစေချင်သည် ။

ကော်ပီရိုက်စ်လည်း အတွေးမဆန်းနှင့် ၊ ဆော်ကြည်ဂိုက်လည်း အပေးမကြမ်းနှင့်။

ကော်ပီရိုက်စ် အတွေးဆန်းက ဂျေးလမ်းသို့ကြွချေရလိမ့်မည် ။ ဆော်ကြည်ဂိုက် အပေးကြမ်းက ဆွေးလမ်းသို့ မြန်းရချေလိမ့်မည် ။ကော်ပီရိုက်စ် အတွေးဆန်းကာ ပေ့စ်က ရှင်းရခက်ပေမည် ။ ဆော်ကြည်ဂိုက် အပေးကြမ်း ကာ တွေ့က ငြင်းရခက်ပေလိမ့်မည် ။အဆင်မသင့်ပါက အပင်မြင့်မှ အုန်းသီးကြွေကျသကဲ့သို့ အပိုဆုရကာ အထိနာပေလိမ့်မည် ။
ဆိုရလွယ်သည် ဟူ၍လည်း ရက်(ပ) ဂီတဆိုသည့် သီချင်းနှင့် မဆဲလေနှင့်
ငိုရလွယ်သည် ဟူ၍လည်း စပ်ပြီဟဆိုသည့် ဟင်းနှင့် မဆွဲလေနှင့်

ဆိုရလွယ်သည်ဟူ၍ ရပ်(ပ) ဂီတ သီချင်းနှင့်ဆဲက သားနှင့်အမိ မောင်နှင့်နှမ ကြားရ ၊ နားဝ မချမ်းသာ ဖြစ်ချေလိမ့်မည် ။ ငိုရလွယ်သည်ဟူ၍ စပ်ပြီဟ ဆိုသည့် ဟင်းနှင့်ဆွဲက အ၀င်စပ်ယုံမက အထွက်ပါစပ်၍ မျက်ရည် နှစ်ခါကျရပေလိမ့်မည် ။ သီချင်းတွင် သီချင်း၏ အနုပညာရှိသကဲသို့ ဟင်းတွင်လည်း ဟင်း၏ အရသာရှိပေရာ ကလောင်မပါသော ဖော်ဝပ်မေးလ်မှစာသည် ဆဲနေသော သီချင်း သိုးနေသောဟင်းသာ ဖြစ်ပေမည် မဟုတ်တုံလော ။

မေးလို့မတော် ။ တစ်ကြော်ကြော်နှင့် ၊ အော်အော်မေးလည်း ၊ ဖြေရေးမရ ၊ ပေ့စ်(Paste)လုပ်ကြသည့် ၊ ၀င်ကစွပ်များ ၊ သကောင့်သားက ၊ ရှက်အားမထင် ၊ ကော်ပီတင်ပြီး ၊
သူလျှင်ရေးနိုး ၊ ဖျက်၍တိုးကား ၊ ရိုးတိုးရိပ်တိတ် ၊ ကလောင်စိတ်မရှိ ၊ အဆိပ်ဘ၀င် ၊ စိတ်အလျဉ်ဖြင့် ၊
အမြင်သေးနုပ် ၊ ကော်ပီလုပ်ကာ ၊ ဂုဏ်ရုပ်ဆင်ပြီး ၊ လူတွင်ကျယ်အောင် ၊
ဟန်ရုပ်ဆောင်သည် ။ အမောင်သားလေး မာပါစေ ။ 

 သဘာကောင်းလို့ ဂွင် မကောင်းပဲလည်း မတင်နှင့် ၊ ကဗျာကောင်းမို့ ခွင့် မတောင်းပဲလည်း မပြင်နှင့်


သဘာကောင်းလို့ ဂွင်မကောင်းပဲတင်က ပွဲကျပ်မို့ ကယောင်ကစား အဆင်မသင့်သည်ကို မြင်ရမည် ။ ကဗျာ ကောင်းမို့ ခွင့်မတောင်းပဲပြင်က ကျွဲခတ်သို့ ကလောင်သမား ရင်နင့်သည်ကို မြင်ရပေမည် ။ဂွင်မကောင်းပါက မောင်းပေါက်ထားသည့်ငွေ ဂိုးပေါင်းနှင့်ကျေရသကဲ့သို့ ၊ ဂွင်ကောင်းပါက မူးမူးနှင့် လောင်းမိပြီးမှ မောင်းပေါက်ရတတ်သည် မဟုတ်ပေလော ။သို့သော်ငြား အနုပညာဆိုသည်ကား လောင်းကစားမဟုတ်သမို့ မြောင်းကြားသို့မပို့လေနှင့် ၊ သင်ဆင်ခြင်ပါလော့ ။

အချက်မသိတော့ သားမက်ကို သူခိုးထင် ၊ ငှက်မသိတော့ ဆက်ရက်ကို ချိုး (ဂျိုး) ထင်

အချက်မသိတော့ သားမက်ကို သူခိုးထင် ၊ ငှက်မသိတော့ ဆက်ရက်ကို ချိုး (ဂျိုး) ထင်ဆိုသကဲ့သို့ Select မမိ သော ကလောင်သည်လည်း ချိုး (ဂျိုး)တင်မက သူခိုးဘ၀ သို့ရောက်ရပေလိမ့်မည် ။ ဟောဒီက ပဲပြုတ်ဟု အသံကုန် ဟစ်နေလေသော ဈေးသမကို ၊ တပြွတ်ပြွတ်နှင့် စားပွဲထိုးခေါ်သကဲ့သို့ခေါ်ပါက ငတ်ရမည်မှာ အမှန်တည်း ။ သို့ပါသောကြောင့် ရောင်းသူဝယ်သူ အသံတူဖြင့်သာ ခေါ်လိုက်ပါမူ နံနက်စာ ထမင်းအေးကို ပဲပြုတ်ဖြင့်လွေးရပေလိမ့်မည် ။ထိုနည်းနှင်နှင် ရေးသူ ဖတ်သူ ယဉ်ကျေးမှုတူပါက ကော်ပီရိုက်(စ်) ဆိုသည်ကြီးကို တော်ပြီ ဖလိုက်နှင့်သာ ပြန်ချေတော့ဟု ငေါ့၍ရပေပြီ ။သို့မဟုတ်ပါမူ ကော်ပီရိုက်(စ်)ကြီးနှင့် အတော်ကသီလိုက်မည့်ဖြစ်ခြင်းကို မြင်ပြင်းကပ်အောင် မြင်ရပေလိမ့်မည် ၊ အသင် ရင်မပူပါဘိလော ။

စာမူကိုပြန်ပေးဆွဲ၍လည်း မယူလေနှင့် ၊ ရွာသူကို အမှန်လေးပဲ ဟူ၍လည်း မကြူလေနှင့် ။


စာမူကို ပြန်ပေးဆွဲ၍ ယူက ကလောင်ရှင် ရင်နှစ်ခြမ်း ဗြန်းဗြန်းကွဲပေလိမ့်မည် ။ ရွာသူကို အမှန်လေးပဲဟူ၍ ကြူက နောင်တွင် အမြင်ဆန်း အရမ်းအရမ်းလွဲပေလိမ့်မည် ။ ရေးသူ ပေးသူ သတိမမူပဲ စာမူကို အပိုင်ကြံက ပြန်ပေးသမားဘ၀သို့ ရောက်ရသကဲ့သို့ ။ ရှေ့လူ နောက်လူ မမေးမူပဲ ရွာသူကို အပိုင်ကြံက အမှန်အဆွေးသမား ဘ၀ ရောက်ရပေလိမ့်မည် ။ အယူ အဆမှားပါက ကမ္ဘာကျော် ဘောသမားများပင် ပယ်နယ်တီနှင့် လွဲရသကဲ့သို့ ကံအကြောင်းမလှပါက ဈေးပါကျနိုင်ပေးသေး၏ ။ထို့အတူ ကံအကြောင်း မလှပါမူ ဘတ်(စ) ကားပေါ်၌ လူကြပ်နေချိန် လက်သွက်သူ တစ်ဦးကြောင့် သင့်အား အပ်စူးနိုင်သကဲ့သို့ ။ ကံအကြောင်း ကောင်းပါမူ ကျန်းမာရေးကို လမ်းဂွဘေး၌ ဖြေရှင်းနေရင်း ရှေ့မီးမလင်းသည့်ကား ဖြတ်အသွားနှင့် ကြုံရတတ်ပေသည် မဟုတ်လော ။
တွေးလို့မပျော် ။ မြင်မတော်လို့ ၊ စာဖော်ထုတ်ကာ ၊ မေတ္တာစာနှင့် ၊ စာနာစေကြောင်း ၊
သံချိုလောင်းသည် ၊ စာကောင်းသည်ကား ၊ အလကားမရ ၊ တစ်အားညံ့နု ၊
ခံစားမှုဖြင့် ၊ ပြုစုကျွေးမွေး ၊ ကိုယ့်ရင်သွေးမို့ ၊ အတွေးဖြင့်ပင် ၊ ဘ၀င်မအေး ၊ ကြိတ်ပူဆွေးရ ၊
စာလေးကောင်းလို့ ၊ ဖော်ဝပ်ပို့လျှင် ၊ စာတို့ဖခင်အား ၊ သိမြင်စေအောင် ၊
တွေးမြင်ယောင်သည် ။ ကလောင်သွားလေး ပါပါ စေ ။

အတောင်မပါလည်း ဒါကောင်းသည်ဟူ၍ ဖြတ်ပိုင်းမေးကာ မရှင်းနှင့်
ကလောင်မပါပဲ စာကောင်းသည်ဟူ၍ ရီပလိုင်း (Reply) မေးဖို့ မပျင်းနှင့် ။

အတောင်မပါလည်း ဒါကောင်းသည်ဟူ၍ ဖြတ်ပိုင်းမေးကာ ရှင်းပါက စားပြီးသားနှင့် တိုးတတ်သည် ။ ကလောင် မပါပဲ စာကောင်းသည်ဟူ၍ ရီပလိုင်းမေးဖို့ ပျင်းက တစ်အားဖြီး များနှင့် တိုးတတ်သည် ။ ခေတ်ကာလ တစ်အားဖြီးများကား ကုလားကြီးများပင် သွားရေကျအောင် ပြောတတ်နေသောကြောင့် ၊ သင်အနေမတတ်ပါက လေတစ်ချက်အကြီးပစ်ကာ ဖရီးကစ်ပင်တောင်းသွား ချေလိမ့်မည် ။ အကယ်၍ ဂိုးဝင်လေမှ တစ်မျိုးမြင်ကာ ဘွာခတ်လေက အချိုးပြင်ပါ အ၀ါကဒ်ဟု နှစ်ခါထပ် သတိမပေးကြောင်း ထပ်လောင်းပြောကြားပေလိမ့်မည် ။

အယောင်သိက ဆေးဆရာသို့ တစ်ချက်မဆိုင်းမေးပါ ၊
ကလောင်မသိက မေးလ်ဆရာသို့ ရီပလိုင်းပေးပါ ။

အယောင်သိက ဆေးဆရာသို့ တစ်ချက်မဆိုင်း မမေးက ရောဂါရင့်ကာ ရှင်းရခက်ပေလိမ့်မည် ။ ကလောင် မသိက မေးလ်ဆရာသို့ ရီပလိုင်း မပေးက ပြောစရာဖြစ်ကာ ငြင်းရခက်ပေလိမ့်မည် ။ သို့ပါ၍ စာကောင်းသိ၍ ဖြန့်မည့် ဟန်ပြင်ပါက ကလောင်သွားအား မေ့မထားသင့်ကြောင်း သတိကောင်းကောင်းထားစေချင်သည် ။ အမြင် မတော်သည့်စာ ကလောင်မပါပဲ ရောက်လာသော်ငြား ပြန်သွားဟု မလွှတ်ပဲမနေလေနှင့် ။ ကလောင် သိသော်ငြား ယောင်မှား၍ပင် အရေးမပျင်းလေနှင့် ။ကလောင်ရှင် အမည်တပ်ကာ အရှေ့အရပ်သို့ ဖော်ဝပ်ပါလေ ။ သင့်အတွက် ကလောင်ရှင်က အမှောင်ပြင်ဖြစ်နေသော သူ့စာအတွက် ကရုဏာသက်သည့် စေတနာကို အသေအချာပင် ဝေဖြာစွာ အသိအမှတ်ပြုပေလိမ့်မည် ။

စာကောင်းကို ဖော်ဝပ်လုပ်ပါက ချက်တည့်လျှင် အတော်မက်ပေလိမ့်မည် ။ ကလောင်ကောင်းကို ဖော်ဝပ် မလုပ်ပါက ချက်မတည့်လျှင် အတော်ခက်လိမ့်မည် ။သို့မဟုတ်ပါမူ ရှေ့နေပေးငွေ ကြက်သောက်ရေ နတ်အုန်းရွှေချ ပြန်မရဟု ရှေးလူကြီးများဆိုကြပေသော်ငြား ခေတ်ကာလအရ တရစ်တက်၍ ဖော်ဝပ်လုပ်စာ သင့်ကဗျာ ကလောင်မပါသော်ကြွ ပြန်မရ ဟုမှတ်ရချေလိမ့်မည် ။

သို့ဂလို အရေးကြောင့် ဘလောက်ကျေးရွာ အတွင်း ၊ အဟောက်အဖျင်းများ ကြီးထွားနေပြီးသကာလ ၊ အပြင်အချွတ်အပြောင် တအားများလှသော ၊ ၀င်ကစွပ် ကလောင်သွားများနှင့်တကွ ၊ မေးလ်တကာသို့ ပြေးကာရောက်နေလေသော ၊ ဖြေမတော်မည့် ဖအေမပေါ်သည့် ပို့စ်ကလေးများ အတွက် ၊မေးလ် တကာကို အစိုးရတော်မူသော အတော်မသတ်အတင်းလွှတ်သည့် ၊ ဖော်ဝပ်(Forward)မင်းသို့ လှစ်ကာအသာထုတ်၍ မေတ္တာစာတစ်ပုဒ် ကို ဘလောက်ဂတ်မင်းမှ အရောက်ချက်ချင်းပို့သပါ၏ ။





2 comments:

  1. မမမေ့ရဲ့စာတွေကြိုက်လို့ကူဒပါရစေ

    ReplyDelete
  2. ဒီစာတွေပြန်ဖတ်ရတော့
    သိမ်းထားပေးတဲ့ မေ့ကို ကျေးဇူအထူးပါ

    ReplyDelete

စာပေနှစ်သက်သူများ လွတ်လပ်စွာ ကွဲလွဲပိုင်ခွင့် ရှိပါသည်