Followers

Saturday 29 December 2012

အကျီ င်္ပါးနှင့် အပျိုရွယ်

မင်းသမီးတစ်ယောက်ရဲ့ ကြော်ငြာတစ်ခုမှာ ဝတ်ဆင်ထားသည့် အကျီ င်္ပါးကြောင့် စာမရေးဖြစ်တာ ကြာပြီးဖြစ်သည့် မေ့စိတ်ဆန္ဒလေး နိုးထလာခဲ့ပြန်ပါပြီ။
ကြော်ငြာပုံလေးကို ကြည့်နေမိသည်။ ထပ်၍ ထပ်၍ ကြည့်နေမိသည်။ ထို့အကြည့်နှင့် ပြိုင်တူ သက်ပြင်းရှိုက်သံတွေ လှိုင်းထနေသည်။
ဟူးးးး


အဝတ်အစား ဝတ်ခြင်းနှင့် မဝတ်ခြင်း ဘာမျှပို၍ ထူးခြားမှုရှိတော့မည်မထင်။ မြန်မာအမျိုးသမီးတစ်ယောက်အနေနှင့်(သို့) မြန်မာပြည်သူများ၏ ချစ်ခင်မြတ်နိုးသည့် သရုပ်ဆောင်အမျိုးသမီးတစ်ယောက်အနေနှင့် ထိုသို့သော  ကြည့်ရသည်မှာ ရှက်ဖွယ်လိလိဖြစ်သည့် ရိုင်းစိုင်းသည့် အဝတ်အစားမျိုးနှင့် ရမ္မက်ကြော်ငြာရန်မသင့်ဟုတော့ မေ ပြောချင်ပါသည်။
ခေတ်မီလာသည်ဟု ဆိုရမလား ၊ခေတ်ကို ကျော်လွန်သည်ဟု ဆိုရမည်လား ငွေကြေးတစ်ခုနောက်ကောက်ကောက်ပါ လိုက်နေမိကြရင်း အရှက်ကို မေ့ပျောက်ထားကြလေသည်။

အကျီ င်္ပါးအရေးတော်ပုံ

၁၂၅၃ ခုနှစ်မှ စ၍ ထူထဲသော ပိတ်သားစများနှင့် လုံလုံခြုံခြုံ ချုပ်ဝတ်ရသည့် မြန်မာ့ဝတ်စုံများကြားတွင် ခေတ်ဆန်သည့် ခေတ်သမီးပျိုများကြောင့်  အင်္ကျီအပါးစများဝတ်ဆင်ခြင်း စတင်လာခဲ့ကြပါသည်။ ထို့နောက်တွင်တော့ ကာတွန်းဦဘကလေးမှာ ကာတွန်များရေးဆွဲပြီး ထိုခေတ်အခါက တစ်ခေတ်ဆန်းခဲ့သည့် သူရိယမဂ္ဂဇင်းတွင် အင်္ကျီပါးနှင့် ပတ်သက်သည့် ဆုံးမကာတွန်းများကို ရေးဆွဲကာ၊ မြန်မာအမျိုးသမီးများ အင်္ကျီပါးဝတ်ဆင်မှု ရှောင်ကြဉ်ကြရန် စာရေးဆရာများ သတင်းစာဆရာများက ဆုံးမကြလေသည်။
မြန်မာအမျိုးသမီးအချို့တို့သည် အင်္ကျီပါးကို ဆန့်ကျင်၍ ပင်နီအကျီ င်္ယောလုံချည်ကို ဝတ်ဆင်ကြလေသည်။ အင်္ကျီပါးနှင့် ပတ်သက်သည့် တပေါင်များ တေးသီချင်းများစပ်၍ ဆိုလာကြသည်။
၁၃၀၀ပြည့် အရေးတော်ပုံကာလတွင် သက်ကြီး အမျိုးသားများနှင့် ရဟန်းများက သံချိတ်၊ကပ်ကြေး၊ကြိမ်လုံးများကိုင်ဆောင်ကာ အင်္ကျီပါးဝတ်ဆင်သူများကို ဆန္ဒပြဆုံးမခဲ့ကြပါသည်။ မန္တလေး မဟာမြတ်မုနိဘုရားရှေ့တွင် အကျီ င်္ပါးများ အလှူခံပွဲကျင်းပခြင်း၊ ထိုနယ်တဝှိုက်တွင် အကျီ င်္ပါးများ မီးရှို့ဖျက်စီးခြင်းများပြုလုပ်ခဲ့ဖူးပါသည်။
၁၉၄၁ခုနှစ်ဝန်းတွင်  အင်္ကျီပါးအရေးတော်ပုံ စကားရည်လုပွဲများအဖြစ် အကျီ င်္ပါးဘက်မှ ထောက်ခံသူ မြင်းခြံစိုးမြင့် -အကျီ င်္ပါးမဝတ်ထိုက်ဟု ကန့်ကွက်သူ မေမြို့မခင်သန်းရီ စသည်တို့ နှစ်ဦး၏ အပြန်အလှန် ထောက်ခံချေပ ကန့်ကွက်မှုများဖြစ် ဂျာနယ်ကျော်၏ အခန်းကဏ္ဍတွင် အပတ်စဉ်ထည့်ဝင်ခြင်းဖြစ်ခဲ့သည်အထိ အကျီ င်္ပါးအရေးတော်ပုံသည် ကြီးမားကျယ်ပြန့်လာခဲ့သည်။
၁၉၄၁-ခုနှစ် စက်တင်ဘာလ(၁၃)ရက်နေ့ထုတ် ဟံသာဝတီဂျာနယ်၊ ကာတွန်း ရုပ်ရှင်အခန်း ကဏ္ဍတွင်လည်း ခေတ်ကာလ အင်္ကျီပါး များ ပါးလွှာကျပ်တည်း ထင်ပေါ်လွန်းသည်ဟု အယူရှိကာ အမျိုးမျိုး ဆူပူ ကန့်ကွက် ရှုတ်ချခဲ့ကြသည်။ ထိုမျှအထိ အင်္ကျီပါးပြဿနာများ ပေါ်ပေါက်ခဲ့သည်။
“မပါးလျှင်တိုမည်။ အရှေ့မတိုလျှင် အနောက် တိုမည်။ အထက်မတိုရလျှင် အောက်ပိုင်းတိုမည် . ထိုသို့ကြံစည်လာပါက မည်သို့အရေးယူရမည်နည်း” ဟု ကာတွန်းဆရာကြီး ဦးဘဂျမ်းမှ ကာတွန်းများရေးဆွဲပြက ထိုခေတ်၏ သရုပ်ကို ထင်ဟပ်ခဲ့စေသည်။

ထိုခေတ်မှ စတင်ခဲ့သည့် အင်္ကျီပါးနှင့် ပျိုမေများဝတ်စားဆင်ယင်မှုသည် ယနေ့တဖန်ဆန်းသစ်လာခဲ့ပြန်ပေပြီ။ အသားဆိုင်ကို မြင်ရလောက်သည့် အပါး ၊ မမြင်ဝံ့ မမြင်အပ်သည့် အသားအရည် ကို မြင်သာအောင်ထုတ်ပြနေသည့် အပေါ်တို ၊အောက်တို အတိုအပြတ်များဖြစ် ရေပေါ်ဆီ လူ့အသိုင်းအဝိုင်းမှ စတင်လာသည့် ယဉ်ကျေးမှုများကြောင့် ယနေ့ ခေတ်ကာလတွင်  မြန်မာဟုသည် ဝတ်စားဆင်ယင်မှုတစ်ခု ဖုံးအုပ်လုလု ဖြစ်နေခဲ့ချေပြီ။



အရှက်နှင့် သိက္ခာကို လဲလှယ်ကာ ငွေကြေးနောက်လိုက် ၊အမျိုးဂုဏ် ၊ ဇာတိဂုဏ်ကို ရေပုတ်မြောင်းထဲ လွင့်ပစ်ကြပေတော့မည်။ အရက်ကြော်ငြာထက် ရမ္မက်ကြော်ငြာကို ဦးစားပေးရိုက်နေသည့် ကြော်ငြာများတွင် ထိုပြည်သူချစ်သည့် သရုပ်ဆောင်သမီးပျိုများက
ကွေး-ကောက်-ကုန်း-ကော့-ကား ကာ အမူအရာရိုင်းများဖြစ် ရှေ့က လှမ်းပြ နေပေပြီး။ မခို့တရို့ အပြုံးများက ယိုသူမရှက် မြင်သူရှက်ကာ သူ့အရှက်တွက် နှမျောတမ်းတနေခဲ့မိသည်။ နောင်အနာဂတ် ခေတ်သမီးပျိုများအတွက် ရင်လေးနေမိသည်။
ခေတ်ကို အမှီလိုက်၍ ဝတ်စားဆင်ယင်နိုင်ကြပါသည်။ သို့သော် ခေတ်ကို ကျော်လွန်ရန်တော့ မတွေးကြပါနှင့်။
မိမိသည် အရှက်သိက္ခာကြီးသည့် မြန်မာပြည်ဖွား သမီးပျိုလေးများ ဖြစ်သည် ဆိုသည့် အသိ ၊ အတွေးအခေါ်များနှင့် ဆင်ခြေကြကာ အရှက်သိက္ခာရှိရှိ လုံခြုံစွာဝတ်တတ်ကြစေလိုပါသည်။
“တောင်းမှာအကွပ် လူမှာအဝတ်”
မိမိ၏ ဝတ်စားဆင်ယင်မှုသည် မိမိ၏ အဆင့်အတန်း ၊လူနေမှုစရိုက် အကျင့်သိက္ခာကို ရည်ညွှန်းဖော်ပြနေလေသည်။ ထိုစရိုက် လက္ခဏာကို သုံးသပ်၍ မိမိ၏ လူနေမှုသည့် မြင့်မားသော အဆင့်တစ်ခုတွင် ရပ်တည်နိုင်ကြပါစေဟု ဆုတောင်းရင်းဖြစ်သာ။


.... (¯`v´¯)♥
.......•.¸.•´
....¸.•´
... (
☻/
/▌♥♥
/ \ ♥♥ မေသဇင်


0 comments:

Post a Comment

စာပေနှစ်သက်သူများ လွတ်လပ်စွာ ကွဲလွဲပိုင်ခွင့် ရှိပါသည်