မေသဇင်မှ ကန်တော့လိုက်ပါသည်ရှင်

မေတို့တွေ အရင်အရင်ဘဝအဆက်ဆက်က မိဘ၊ဆွေမျိုး တော်စပ်ခဲ့ဖူးချင် တော်စပ်ခဲ့လိမ့်မယ်။ သူငယ်ချင်းမိတ်ဆွေတွေ ဖြစ်ခဲ့ချင် ဖြစ်ခဲ့လိမ့်မယ်။ သံသရာတစ်ကွေ့ ဘဝပေါင်းများစွာမှာ အလှူဒါန အတူပြုခဲ့ကြဖူးလို့ ခုဘဝခဏတာမှာ ကြုံရ ဆုံခဲ့ကြပါတယ်။ အွန်လိုင်းဆိုတဲ့ ဒီလောက နယ်ပယ်မှာ တစ်ဦးနှင့်တစ်ဦး မမြင်မတွေ့ဖူးကြပါပဲလေလှိုင်းကြားက ချပြခဲ့တဲ့ စကားလုံးတွေကြောင့် သံယောဇဉ်တွေ တိုးကာ ခင်မင်ခဲ့ကြတာ အရင်အရင်က ပါရှိခဲ့ကြတဲ့ ရေစက်ကြောင့်ပါပဲ။ဟောဒီနယ်ပယ်လေးမှာ ကြုံရ၊ဆုံရတုံးခဏတာမှာ ကာယကံ(စာရိုက်မိသော လက်ချောင်းများ) ၊ ဝဇီကံ ၊မနောကံ သုံးပါးသော ကံတို့တွင် တစ်ပါးပါးသော ကံတို့ဖြစ် တစ်ဦးဦးအပေါ် ပြစ်မှားမိခဲ့သည် ရှိသော ဝန်ချတောင်းပန်ကန်တော့ခဲ့ပါတယ်ရှင်။



လောကကျေးဇူးပြုခဲ့သည့် မယ်တော်ကို ဓမ္မကျေးဇူးဖြစ် ပြန်လည်ဆပ်ကာ သုံးလတာ ကာလ တာဝတိံနတ်ပြည်မှာ တရားဟောခဲ့သည့် မြတ်စွာဘုရားရှင် လူ့ပြည်သို ပြန်လည်ကြွချီလာသည့် ဟောဒီသီတင်းကျွတ်အခါသမယသည် ကျေးဇူးတရားတို့ ထုံလွှမ်း ၊ ဂါရဝတရားတို့ဖြစ် ငြိမ်းချမ်းသည့် ကာလဖြစ်ပေသည်။






ကျေးဇူးတရားကို သိတတ်သော အကျွန်ုပ်သည် ဟောဒီအွန်လိုင်းကမ္ဘာတွင် ကြုံခဲ့၊ဆုံခဲ့ရသော သင်ဆရာ၊မြင်ဆရာများအားလုံးနှင့် မိမိအပေါ် စေတနာထားကာ လမ်းပြခေါ်ဆောင် ၊သွန်သင်ညွှန်ကြားခဲ့သော မိမိထက် ကြီးသူ၊ငယ်သူ မည်သည့် ဆရာမဆို ဆရာများအားလုံးအား လက်ဆယ်ဖြာဦးထိပ်ထား ရှစ်ခိုးကန်တော့ပါ၏။

ဂါရဝတရားကို အလေးထားကာ မိမိထက် ကြီးသူ အစ်ကိုကြီး ၊အစ်မကြီးများ အားလုံးကို ရိုသေဝပ်တွား ကန်တော့ပါ၏။

ဆရာသမားမျာ၊ မိမိထက်ကြီးသူ ၊ငယ်သူ အစ်ကို အစ်မကြီးများ အားလုံးနှင့်တစ်ကွ မိမိထက် ငယ်ရွယ်သူ မောင်ငယ်ညီမငယ်များတို့အပေါ်တွင် ပြောမှား ၊ဆိုမှား ၊ အထင်မှားများ ရှိခဲ့ရင်ဖြစ်လည်း ခွတ်လွတ်ပေးကြပါရန် လေးစားစွာဖြစ် ကန်တော့ပန်းဆင် တောင်းပန်အပ်ပါသည်ရှင်။





ဟောဒီ အွန်လိုင်းကမ္ဘာမှာ တွေ့ကြုံဆံရသည့် သူငယ်ချင်းမိတ်ဆွေများနှင့်တစ်ကွ မေ့ကို ချစ်သောသူ ၊ မေ့ကို မုန်းသောသူ ၊ မေ့အပေါ် ဘယ်လိုသဘောထားမှ မရှိသည့်သူ ၊ မည်သူ့ကိုမဆို ဘေးရန်ကင်းကွာ၍ စိတ်ချမ်းသာ ၊ကိုယ်ချမ်းသာ လိုတရ ၊ တတိုင်းရ ဘဝကို ပိုင်ဆိုင်သူများ ဖြစ်ကြပါစေ။ မိတ်ဆွေတို့၏ ဘဝများ ရေလိုအေး၍ ပန်းလိုမွှေးကြပါစေ။ သွားလေရာ လာလေရာ ခလုတ်မထိ ဆူးမညှိပဲ လိုအင်ဟူသမျှ အောင်မြင်ကြပါစေ။ မျက်နှာပွင့်လန်းကြ၍ တွေ့မြင်ကြသူအပေါင်း နှစ်လိုချစ်ခင်ခြင်းများကို ရရှိကြပါစေ။ သာသနာအကျိုးကို သယ်ပိုးနိုင်ကြသူများအဖြစ် သာသနာ့အမွေများကို ခံစားသိရှိ စံထိုက်ကြပါစေလို့ မေသဇင်မှ အွန်လိုင်းမိတ်ဆွေ အပေါင်းတို့အား ဆုမွန်ကောင်း တောင်းလိုက်ပါတယ်ရှင်။

သီတင်းကျွတ်ညလေးမှာ အားလုံးပဲ ပျော်ရွှင်ကြပါစေရှင်။

.... (¯`v´¯)♥

.......•.¸.•´

....¸.•´

... (

☻/

/▌♥♥

/ \ ♥♥ မေသဇင်